新居屋2018抵唔抵抽?




新居屋抵唔抵抽? 又嚟到「財富十級跳」…  今日講熱門話題,2018新居屋!消息公佈之後,唔止網民熱烈討論,好多上車班同學都問我哋值唔值得抽。今次幾個項目包括3月底至4月中推出新一批居屋,合共提供4,431伙單位,分別為啟德啟朗苑、長沙灣嘉盈街凱樂苑及東涌裕泰苑。

Ann姐 :   

今次特色係…好平又有,好貴又有,最貴係啟德,呎價破萬!最平係東涌,首期8萬就可以上車!到底值唔值得抽呢?今日一齊研究吓!

注意 – Ann姐分析:「如果想貼地啲,可以睇吓東涌的裕泰苑。項目有2座,一共1,226,面積由277.7呎到471.5呎,售價由159萬到428萬,市價呎價被評為9,569元,以市價七折定價,平均呎價6,698元。用最細單位詁,可以159萬就買到。(其中逾95%單位售價為500萬元以下,平均售價360萬元。房委會表示,評定市值時參考公開市場成交並作適當調整)」

Anthony Sir : 

因為我都係住响西九龍,經常都經過,而家地王未起樓直頭有海景添!同樣情況,官方評定市價為13,192元,其實旁邊的匯璽,最新售價都已經破2萬,所以都算係計平咗!不過咁,由於地價、附近屋苑呎價貴,房委會又堅持用7 折定價,令到呎價同Lump Sum都好貴!呎價去到成萬蚊,都算係歷年最高,總價賣到630萬,對上車族嚟講亦都好難負擔、好離地。

Ann姐 :  

係呀,居屋都賣到630萬真係好誇張。計一計按揭!

假設購買凱樂苑630萬元的單位,九成半按揭供二十五年,假設按揭利率2.25厘,家庭申請者月供2.6萬多元。若利息要4.25厘,月供額外要多六千多元。

如果想貼地啲,可以睇吓東涌的裕泰苑。項目有2座,一共1226,面積由277.7呎到471.5呎,售價由159萬到428萬,市價呎價被評為9,569元,以市價七折定價,平均呎價6,698元。

用最細單位詁,可以159萬就買到。

(其中逾95%單位售價為500萬元以下,平均售價360萬元。房委會表示,評定市值時參考公開市場成交並作適當調整)

Anthony Sir : 

呢個盤Lump Sum就真係細,但係相比旁邊的私樓,折讓又好似冇咁大喎,地鐵站旁的東堤灣畔,現時成交呎價都係11,159元,市價評為9,569,計番質素上的差異又差唔多,冇乜計平到喎,呢個大家要考慮吓。

Ann姐 & Anthony Sir :  

總括嚟講,啟德、長沙灣兩個盤,位置真係無敵,呎價計落有着數,但係呎價、樓價就好貴,要計清楚自己的負擔能力。至於東涌就相反,呎價計落冇乜着數,但係呎價、樓價就平好多,供樓都輕鬆好多,自己決定啦。

居屋係幫人上車的政策,最緊要係睇番市民的負擔能力,係咪一定要堅持用7折定價呢?點解唔可以因應情況調低啲呢?又或者直頭同市價脫鈎呢?如果樓價一直係咁升上去,居屋價咪跟住貴?到時仲點買?希望政府有關部門可以正視呢個問題,考慮定價與市價脫鈎。

Ann姐:

今日時間差唔多。總結: 申請者可選擇新居屋或「白居二」,或同時選擇兩者,但需分別提交兩個計劃的申請。「白居二」同於3月底至4月中接受申請,6月攪珠。

喜歡本文,請Share。先行謝謝!

 

Ann姐皇牌買樓上車 資產增值講座 [連結]