每天都是劈價新聞。不過走到前線，究竟目前是否如此恐慌？減得最勁地區又係邊度？ Mark Twain經典名句：”History doesn’t repeat itself, but it rhymes. (歷史不會重複，但會押韻)” — 分析分享 : Ann姐 x Anthony Sir
(Pt. 1) 幾個月前代理說：「唔創新高，買唔到樓！」
今天代理說：「唔減價，賣唔到樓！」
市場氣氛變得很快，幾個月前每天都是創新高的新聞，絕大部份的專家學者一致睇好，不到幾個月，全城睇淡，每天都是劈價新聞。不過走到前線，目前還未算是恐慌性拋售，所謂的劈價成交，暫時仍然是個別例子，例如不久前有報導說九龍灣得福花園，有個低層單位劈到500萬，呎價僅逾1萬。
其實是一個地下單位。近日一個得寶花園成交跌穿400萬，筆者親身睇過，其實是一個一樓單位，還有一個後門出去污水渠滿佈的公家平台，一般買家都唔敢買。其他正正常常的單位呢？叫價、成交價都有回落，與高位比較大概回落了一成至兩成，視乎個別樓盤而定。
/////////////////////////////
▼ 買樓入市2019研討會 ▼
詳倩及留位：http://bit.ly/1sefUSQ
/////////////////////////////
(Pt. 2) 首先爆出劈價新聞的，當然是幾個最大的屋苑。
例如沙田第一城、嘉湖山莊等，由於伙數比較多，對於跌市會比較敏感，再加上知名度高，備受大家關注，記者朋友當然搶先報導，劈價新聞自然搶先瘋傳。例如沙田第一城，細單位在高峰時叫價超過600萬，最近見報導說500萬就有交易。至於嘉湖山莊，兩房之前賣到接近600 萬，最近代理報盤，大約450萬左右就有交易，跌幅逾100萬，至於三房跌幅亦差不多，算是跌得比較利害。
(Pt. 3) 同樣是新界東及新界西…
尤其是一些之前炒得過熱的上車屋苑，跌幅較大亦是正常，例如同是沙田區的河畔花園，高峰時呎價高見2.2萬，比質素相若的港島樓還要貴，難以理解，今次當然亦要作出相應調整，或者可以叫做消化，即使成交價大幅回落，呎價仍然高企1.8萬。
至於新界西的戰線，有報導說東涌屋苑劈價甚狠，呎價跌破1萬，不過睇成交都係比較大的單位，至於細單位呎價仍然守得住。另外元朗區的一些半新屋苑，例如Yoho Town、尚悅等，陸陸續續都有不少劈價新聞，也收到一些代理的減價報導，可以留意。
(Pt. 4) 至於市區方面，劈價新聞比較少…
尤其是一些舊區，單幢物業好似仲未識得點反應，或者因為大部份貨源都在收租投資者手上，所以未見顯著回落，不過市區單幢樓的生態就是這樣，升又升得慢，跌又跌得慢，要看之後的發展。東九龍屋苑較多，跌幅比較多，除了剛才提到的九龍灣，將軍澳及康城亦不時有劈價新聞，最近收到比較多的是康城的大單位。西九龍方面跌幅相對比較少，筆者現時住的九龍站，高鐵通車，冇乜業主肯大劈價，成交很少。至於奧運站，叫價亦有回落，但不算狠。
(Pt. 5) 至於新樓，發展商更加唔肯減…
跌市唔肯減，自然會滯銷，所以近期很多新樓盤都賣唔晒，部份甚至可以用冷清來形容。唔想減價，唯有推出其他優惠來吸引買家，開細則固然是不二法門，但最近好多細則都賣唔出，發展商唯有用其他方法應對，收到代理報來，部份樓盤呼吸Plan重現。
★ Ann姐 x Anthony Sir 團隊著作，掌握市場實力保證 ★
《買樓上車防中伏》,《嬴盡日本樓》, 《50萬上車──細價樓投資致勝法》, 《工商舖小本投資入門》, 《上車又住又賺》
Ann姐
3小時速成學會:
置業關鍵! + 防中伏 + 又住又賺!
【贏盡樓市買樓上車及按揭】速成班!
