何文田瑧樺睇樓記 – Ann姐

最近有幾個新盤開動，睇咗幾個盤包括有家壹(長沙灣)、一號九龍道(長沙灣同深水埗之間)及瑧樺(何文田)。這幾個盤都有啲特色，今次先講下何文田瑧樺。

瑧樺位置在何文田窩打老道74號，即係培正中學附近。我穿過勝利道行過去約5分鐘。傳媒巳說明佢其中賣點係九龍名校網，咁就不用多講，反而我想講佢心思方面。

瑧樺是單幢式設計，一般這種樓都是小大堂、單一支樓冇乜特別。但今次佢有少少驚喜給我。你睇下佢交樓標準，係有雕琢個人風格例如橄欖綠主調 (你睇相會feel到)，真係唔係倒模式。

另外查閱樓書A6單位開放式廚房的鋁窗選用磨砂及有色玻璃。這些有獨特design的想法，根據傳媒資料，是來自新世界執行副主席兼總經理鄭志剛先生所策動名為The Artisanal Movement獨特品牌個性、精神及對工匠藝術的極致追求方向。如果有留意最近新世界幾個盤例如瑧尚，新世界品牌下的住宅項目多咗對居住有要求的買家吸納。